كل مايخص كارت TeVii S420 DVB-S TV Tuner والرجاء كل اللي عنده اي معلومه يضيفها
كاتب الموضوع
رسالة
???? زائر
موضوع: كل مايخص كارت TeVii S420 DVB-S TV Tuner والرجاء كل اللي عنده اي معلومه يضيفها الثلاثاء نوفمبر 11, 2008 5:01 pm
بسم الله الرحمن الرحيم ياريت ياجماعه نحاول نجمع كل حاجه والخبرات اللي تخص الكارت لغيرنا علشان يستفيدوا اولا انا اشتريت الكارت ده وفعلا اثبت انه كارت ممتاز فعليا ودي بعض المعلومات عنه اولا الموقع الرسمي ليه هوا www.tevii.com ثانيا بعض صوره
مميزات الكارت من وجهه نظري 1 يتمتع باشاره قويه جدا اقوي من اي كارت جبته قبل كده يعني انا جبت كارت كي وورلد وهوا كارت محترم جدا وكارت توينهان وده طبعا اي كلام المهم الاشاره في الاتنين كانت تقريبا النص يعني مابين 55 و 50 في الميه ودي طبعا عاده كارت الستالايت في الاشاره انما الكارت ده من غير ماغير اي حاجه القوه والجوده بيتراوحو مابين 95 و 80 في الميه وده طبعا فرق كتير لاني علي الكروت التانيه ماكنتش باقدر الاقي الاوروبي خالص انما مع الكارت ده حس بيهم قوي
2 السوفت وير بتاعه لذيذ قوي بمعني برنامج العرض الخاص بيه هوه الماي ثيتر بالملي وبمعني اصح شركه الماي ثيتر هيا اللي عامله البرنامج بتاعه كمان نازل معاه برنامج بروج خاص بيه بينزل بالكودكس الخاصه بالكارت وهيا السايبر لينك وكمان البروج 5.15 بيشتغل معاه زي الفل من غير اي مشاكل وكمان الماي ثيتر
3 الصوره بتاعته حلوه جدا ومش محتاجه تقريبا اي كودكس عايز تزود خير وبركه يعني شرائط الكتابه اللي في القنوات اللي بيتكتب فيها الاهداءات صافيه ومش مكسره في الكلام ولا زغلله زي مااحنا عارفين البروج من غير كودكس
4 الكارت مزود بتيونر وهو سبب القوه اللي هوا فيها
5 صنع الكارت ده صيني ولسه نازل يعني اول شحنه دي بتبقي تحفه علشان تعمل اسم كويس يعني بتبقي درجه تانيه مش خاصه بدول الشرق الاوسط
6 الكارت ده بيستهلك من البروسيسور حوالي 22 في الميه من طاقته وجزء ضئيل من الرام
7 الكارت الرزليوشن بتاعه حلو
8 بيدعم قنوات hdtv واتمني اكون افتدكم
كل مايخص كارت TeVii S420 DVB-S TV Tuner والرجاء كل اللي عنده اي معلومه يضيفها
موضوع: كل مايخص كارت TeVii S420 DVB-S TV Tuner والرجاء كل اللي عنده اي معلومه يضيفها 
الثلاثاء نوفمبر 11, 2008 5:01 pm
